Say Hello

Selamat Datang di Blog pribadi saya

Minggu, 05 Juni 2011

Puisi Basa sunda " ASIH PEURIH "

Hariring katresna ngamuara dina dada
Ngagalindeng geugeutna katineung rasa
Ngalangkangan ngagupay tilam kaheman
Geuri peurihna ati narawangan mangsa tepang

Keclakna cisoca mapaesan ati gandrung kapidangdung
Geter katineung ngawangwang kalbu manteng nuliwung
Nyanding sumalanding ngarambah bagja lamunan
Asih peurih nu baris neumrag.. lara mun kalakonan

Diri nu leungiteun puntangan pangharepan
Disuluran kaasih kageugeut anu maneuh
Nu janten pangreugreug kalbu tingtrimna ati
Anu saenyana teu kedah tumiba kana diri

Kiwari kadeudeuh geus nyangreud pageuh
Keueung mangsa ngambah nubakal karandapan
Nanging geterna katresna ngamuara dalah kumaha
jeritna ati nu nalangsa taya tangan pangawasa

mungguh kapeurih sabudeureun cinta urang
Kalbu nguyung ngarungrung angen jeung pangharepan
Kasmaran ngahudang ewuh jeung pamadegan
Nalangsa nyawang laksana inggis nilas mungkas satiana cinta

Mung ka Alloh abdi muntang Mung ka Gusti Illahi Robbi abdi nyungkeun pitulung
Teu daya Teu upaya Anging Alloh Nu Maha hampura

Ditulis ku : Indah Za Girlish { Indah Fajarwati }
Citapen ahir mei 2011

5 komentar:

  1. tulung.. tulung

    BalasHapus
  2. @Nda : gkgkgk... kuneon Teteh..??
    haturnuhun tos kersa rurumpaheun sindang... salam silaturahim kango kulawarga sadayana...

    BalasHapus
  3. Alhmdllh. Akang ngarasa bagya jeung sugema . Bahasa sunda , ngiring tanding . Makalangan . Di alam maya ,

    BalasHapus
  4. Asa ku kayungyun maca puisi sunda
    Sanaos abdi tos lami teu ditatar sunda
    Jadi kangn suasana sunda

    BalasHapus

Ada kesalahan di dalam gadget ini

Total Pengunjung